Gjermani: Mediat flasin për 4 të vdekur pas sulmit në tregun e Krishtlindjes

Autori i dyshuar i sulmit është një burrë 50 vjeçar me prejardhje nga Arabia Saudite, i cili punonte si mjek në Gjermani

Pas sulmit të rëndë që ndodhi sonte në tregun e Krishtlindjeve në Magdeburg, raportohet për një numër të madh të të plagosurve (së paku 60) dhe për të paktën një të vdekur. Rreth numrit të të të vdekurve ka një konfuzion pasi disa media gjermane (Bild etj.) shkruajnë për të paktën 11 janë të vdekur nga sulmi ndërsa autoritetet nuk e kanë konfirmuar një numër të tillë. Por, nisur nga numri i madh i të plagosurve rëndë, edhe autoritetet konsiderojnë se numri i viktimave është më i madh.

Autori i dyshuar i sulmit është një burrë 50 vjeçar me prejardhje nga Arabia Saudite, i cili punonte si mjek në Gjermani, ku jetonte prej vitit 2006. Sipas autoriteteve të sigurisë, ai nuk ishte i njohur më parë si ekstremist islamik. Sipas informatave të deritashme, ai ka vepruar si i vetëm dhe nuk ka qenë pjesë e ndonjë rrjeti.

Automjeti i përdorur në sulm thuhet se është një BMW e errët. Shoferi është arrestuar menjëherë më pas. Sipas informacioneve të BILD, të paktën njëmbëdhjetë persona u vranë në sulm. Sipas shërbimeve të urgjencës, thuhet se janë lënduar 60 deri në 80 persona.

Sipas dëshmitarëve okularë, makina mesa duket ka hyrë drejt e në turmë në drejtim të bashkisë. Njerëzit ikën në panik. “Me sa di unë, një makinë hyri në vizitorët e tregut të Krishtlindjeve – por ende nuk mund të them nga cili drejtim dhe sa larg,” shpjegoi zëdhënësi i qytetit Michael Reif. Tregu i Krishtlindjeve u mbyll në mbrëmje; Organizatori u bëri thirrje njerëzve të largohen nga qendra e qytetit.

---