Lara Kolturi radhitet e 9-ta në garën e sllallomit gjigant në Killington

Facebook

Garat e Kupës së Botës për femra në ski kanë vijuar në Amerikë, ku në pistën e Killington u zhvillua gara e sllallomit gjigant. Në pistë ka zbritur edhe skiatorja shqiptare, Lara Kolturi.

Ajo është klasifikuar në vendin e nëntë në përfundim të dy zbritjeve, duke dhënë kohën e përgjithshme 1 minutë, 55 sekonda e 62 të qindta.

Një tjetër paraqitje e mirë e skiatiores 18-vjecare shqiptare, që grumbullon pikë të rëndësishme në garat e Kupës së Botës. Një javë më parë, ajo u ngjit në podium (e dyta) në garën e zhvilluar në Austri. Në pistën e Killington do të zhvillohet edhe gara e sllallomit, ku sërish do të garojë Lara Kolturi për ngjyrat kuqezi.