Një artiste shqiptare nga Islanda do të prezantojë ekspozitën e saj “Creeps & Mood Swings”

Piktorja shqiptare nga Kosova, në Islandë

Fitore Alísdóttir Berisha, shqiptare nga Kosova, e cila tashmë është bërë emër suksesi në Islandë, ka paralajmëruar ekspozitën “Creeps & Mood Swings”, shkruan albinfo.ch.

Fitore Alísdóttir Berisha, me banim në Islandë, do të prezantojë punimet e saj në ekspozitën “Creeps & Mood Swings”, që do të mbahet në Islandë nga data 23 nëntor deri më 2 dhjetor 2024, në lokacionin Space Odyssey, Islandë.

Kjo ekspozitë fton vizitorët të reflektojnë mbi luhatjet emocionale dhe të gjejnë ngushëllim në përvojën e përbashkët njerëzore. Me anë të artit të saj, piktorja eksploron ndërlidhjen mes ndjenjave dhe përvojës njerëzore, duke na ftuar të bashkëjetojmë me ndjeshmërinë e artit.

Ju ftojmë të vizitoni këtë ekspozitë të një talenteje të jashtëzakonshme kosovare, e cila pasuron kulturën tonë në skenën ndërkombëtare.

---