Punëdhënësit publikë nuk mund të favorizojnë kandidatët zviceranë në raport me të huajt

Erich Westendarp

Në përgjigje të mocionit të deputetit Piero Marchesi nga Partia Popullore Zvicerane, i cili i kërkoi qeverisë t’u jepte përparësi qytetarëve zviceranë për punë në administratën publike, Këshilli Federal tha se një veprim i tillë “do të ishte në kundërshtim me Marrëveshjen për Lëvizjen e Lirë të Personave me BE-në”, përcjell albinfo.ch.

Prandaj, përveç disa funksioneve që lidhen me sigurinë ose drejtësinë, vendosja e një preference për kandidatët zviceranë për poste në administratën federale nuk do të ishte e ligjshme, theksoi Këshilli Federal.