Priten vërshime në Austri dhe Gjermani

photo Markus Distelrath

Moti me shi ditëve të fundit do të shkaktojë vërshime, sidomos në Gjermani dhe Austri, përcjell albinfo.ch.

Disa vende të tjera po përgatiten për vërshime të jashtëzakonshme. Disa pjesë të Republikës Çeke dhe Polonisë tani më po përballen me shira të mëdha, që sipas prognozave mund të shkojnë deri 400 litra shi për metër katror brenda katër ditëve të ardhshme. Austria dhe Sllovakia mund të regjistrojnë deri në 200 litra, thonë ekspertët.

E vërshime serioze mund të ketë edhe në Gjermani dhe rreth saj. Disa ekspertë thonë se nëse realizohen parashikimet, kjo mund të jenë një prej vërshimeve më të mëdha që kanë përjetuar këto vende që nga viti 1997 dhe 2002. Ndaj, nëse jetoni në këto rajone, apo dhe në afërsi të lumenjve të mëdhenj, ta keni parasysh dhe të keni kujdes. Gjermania, Austria dhe vendet e tjera kanë angazhuar edhe forcat ushtarake për të ndihmuar në përgatitje.