Lajme

Shkrimtari, i cili jeton në Friedberg, boton librin „Shtëpia në Savanë“

Autori mat pulsin politik dhe social të Gjermanisë në veprën e tij, dhe është libër që ia vlen të lexohet

E shtunë, 14 Shtator 2024 - 9:25 albinfo.ch

Titulli i librit „Shtëpia në Savanë“ dhe fushat e ndryshme të veprimit në shtetin gjerman të së drejtës, të cilat janë theksuar në libër dhe të cilat kanë nevojë urgjente për përmirësim, mund të të çojnë gjatë leximit në një rënie të „Taktikës ndërmjet shpendëve dhe strucit“. Por nuk është aspak kështu, sepse biologu dhe juristi Arber Shabanaj paraqet në ngjarjet e tij impulse, mënyra dhe ide të kuptueshme dhe realiste për të dalë nga mjerimi. E bagatuar me eksperienca personale dhe profesionale të A. Shabanajt, kjo e bën më të lehtë leximin e kësaj vepre.

Kjo e bën të qartë dhe të dukshme vazhdimisht se sa shumë kujdeset shkrimtari i pasionuar për barazinë e të gjithë njerëzve – për sa i përket dinjitetit dhe të drejtave – e cila është një nga parimet më themelore të të drejtave të njeriut. Ky libër, me ngjarje të vërteta, përbëhet nga pesë pjesë. Fokusi i rrëfimit të parë „Portreti”, janë shqetësimet dhe nevojat e një familjeje të përndjekur dhe të vendosur në Gjermani, e cila duhet të përjetojë se si ngacmohet nga masat byrokratike, të cilat u bëjnë përshtypje atyre që në zemrat e tyre pretendojnë se janë gjermanë dhe duan të izolohen nga të tjerët. Në incidentin e dytë, ai denoncon faktin se djali i tij katërvjeçar po i nënshtrohet një testi gjuhe, edhe pse ai është rritur dygjuhësh dhe, i cili, për moshën që e ka, është në gjendje që në gjuhën gjermane në një mënyrë plotësisht të përshtatshme të shprehet, kështu që asgjë në rrugë nuk i qëndron, për të startuar me shkollimin në një shkollë gjermane.

Në pjesën e tretë të librit ai përshkruan një konflikt ligjor/juridik me qiradhënësin e banesës së tij dhe para së cilit është e vështirë ose pothuajse e pamundur për të zbatuar interesat e tij legjitime. Si informacion bazë për këtë temë, ai përfshin një shtojcë, në të cilën ai i mundëson lexuesit të fitojë një pasqyrë në korrespondencën themelore me organet legjislative gjermane.

Në pjesën e katërt Shabanaj flet për paarsyeshmërinë dhe gabimet, të cilave ky u është ekspozuar gjatë lindjes së djalit të tij të dytë në klinikë, pa mundur të mbrohet në vend ndaj tyre. Raporti i pestë faktik trajton jetën dhe veprën e shkrimtarëve dhe ka veçori autobiografike. Kështu duhet, për shembull, një shkrimtar i talentuar dhe me “prejardhje migrante”, të punojë si murator, për të mundur të sigurojë jetesën e tij në Gjermani, përderisa kolegu i tij vendas njihet nga popullata si shkrimtar dhe ftohet në mbledhjet e partive politike. „Taktika ndërmjet shpendëve dhe strucit“ nuk është e nevojshme, pasi ta lexoni këtë vepër. Përkundrazi, libri u jep lexuesve kurajë dhe besim se – në sistemin gjerman – ka njerëz me vizione realiste për drejtësi dhe humanizëm më të madh.

Autorit të këtij libri me ngjarje të vërteta dhe familjes së tij të re, të përkushtuar, i urojmë shumë sukses në zbatimin e ideve të tyre dhe veçanërisht për këtë projekt. Teksti i librit mua më duket shumë i suksesshëm dhe unë mendoj se është mirë që autori të përcjellë këto eksperienca dramatike dhe rrëqethëse.

Faleminderit Arber Shabanaj për guximin, qëndrimin dhe angazhimin tuaj. Arber Shabanaj ka shkruar një libër që ia vlen të lexohet për këdo që nuk kënaqet me një vështrim sipërfaqësor të gjërave, por është i gatshëm të vërë në dyshim në mënyrë kritike proceset në të ashtuquajturin shtetin e drejtë kushtetues gjerman.

Tregimet i shndërrojnë librat në monumente të paharrueshme. Dhe unë jam shumë i bindur se gjatë leximit të kësaj vepre me ngjarje të vërteta, të cilat autori dhe familja e tij i përjetuan, shumë lexues shqiptarë, të cilët jetojnë në emigracion, do ta gjejnë vetën dhe përjetimet e tyre personale dhe familjare.