Parashikimi i Armand Dukës, ja ku renditet Shqipëria

Presidenti i FSHF, Armand Duka ka bërë parashikimin e tij për grupin e Shqipërisë në Euro 2024. Sipas kreut të Federatës, kuqezinjtë e mbyllin të parët grupin të ndjekur nga Italia, ndërsa Spanja e treta duke lënë Kroacinë të fundit.

“Parashikime? Shqipëria e para, Italia e dyta, Spanja e treta… (Qesh) Çfarëdo që të ndodhi, shpresoj shumë ta kalojmë grupin, por unë jam mjaft i kënaqur me këtë skuadër”, tha Duka në Sport News, përcjell Albinfo.ch.

Shqipëria do të përballet me Italinë më 15 qershor në orën 21:00 në Dortmund dhe më pas sfidon Kroacinë më 19 qershor në Hamburg në orën 15:00. Sfida e fundit e grupit do të jetë ndaj Spanjës më 24 qershor në orën 21:00 në Dusseldorf./Albinfo.ch/