Mediet italiane e quajnë Kombëtaren e Shqipërisë ‘Hirushja’ e Euro 2024

(AP Photo/Armando Babani)

‘Hirushja’ e Euro 2024, kështu e cilëson Calciomercato në Itali kombëtaren shqiptare dhe atë gjeorgjiane në Euro 2024. Të ndodhur në Grupin B me Italinë, Spanjën dhe Kroacinë, kuqezinjtë e Sylvinhos kërkojnë të lënë shenjë në një grup “ferri”.

Tanimë në Itali kanë nisur të mos kenë shumë besim te ekipi i tyre, teksa kërkojnë të vendosin alarmin. Calciomercato.com shton se pjesa dërrmuese e lojtarëve të Shqipërisë kanë dalë nga Serie A dhe B, teksa janë rrezik për Italinë.

“Shqipëria dhe Gjeorgjia janë ‘Hirushja’ e Euro 24. Janë dy kombëtare që zgjojnë kuriozitetin më të madh mes 24 pjesëmarrëseve. Për Italinë, ky do të jetë kundërshtari i parë, Shqipëria.

Janë rreth 10 lojtarë të thirrur nga Sylvinho që i përkasin Serisë A ose Serisë B, pa përmendur këtu edhe të tjerë që kanë dalë nga Seria A si Manaj, Ajeti, Strakosha. Një Kombëtare solide dhe intriguese, e cila fitoi grupin përpara Polonisë apo çekëve, shkruan shqiptarja. com.

Ndryshe nga pjesëmarrja në 2016, tani Shqipëria është më e pjekur dhe kërkon kalimin në 1/16. Sigurisht që grupi me Italinë, Kroacinë dhe Spanjën është i ndërlikuar, por ‘shqiponjat’ e dinë se mund të befasojnë”, shkruan ‘Calciomercato’.

Kujtojmë se kuqezinjtë e nisin aventurën më 15 qershor kundër Italisë, për të vijuar më pas më 19 qershor kundër Kroacisë dhe më 24 qershor kundër Spanjës