Kosova
Vlera e një pikture të artistit austriak, Gustav Klimt, mbi 50 milionë euro
Piktura “e humbur” e Gustav Klimt pritet të shitet në ankand për mbi 50 milionë euro
Mësohet se një pikturë nga artisti austriak, Gustav Klimt, pritet të shitet në një ankand në Vjenë, përcjell albinfo.at.
Thuhet se vlera e pikturës, e cila besohet se kishte humbur për 100 vjetët e fundit, është rreth 50 milionë euro, ndonëse thuhet se mund të shitet për çmim edhe më të lartë, shkuan BBC.
Ka shumë pyetje pa përgjigje rreth pikturës së papërfunduar, Portreti i Fraulein Lieser, të cilën Klimt e filloi në vitin 1917 – një vit para se të vdiste.
Ka edhe debate se cila është gruaja në fotografi dhe çfarë ndodhi me pikturën gjatë epokës naziste.
Besohet se ajo paraqet një nga vajzat e Adolfit ose Justus Lieser, të cilat ishin vëllezër nga një familje e pasur industrialistësh hebrenj.
Historianët e artit Thomas Natter dhe Alfred Weidinger kanë thënë se piktura paraqet Margarethe Constance Lieser, vajzën e Adolf Lieser.
Por shtëpia e ankandit “Im Kinsky” në Vjenë, e cila nxjerr në ankand veprat e artit, sugjeron se piktura mund të përshkruajë gjithashtu një nga dy vajzat e Justus Lieser dhe gruas së tij Henriette.
Henrieta, e cila njihej si Lilly, ishte mbrojtëse e artit modern. Ajo u dëbua nga nazistët dhe vdiq në kampin e përqendrimit të Aushvicit gjatë Holokaustit.
Vajzat e saj, Helena dhe Eni, të dyja i mbijetuan Luftës së Dytë Botërore.
Portreti i Fraulein Lieser, që i përkiste një familjeje hebreje në Austri, u pa për herë të fundit në publik në vitin 1925 dhe që atëherë nuk dihej për fatin e tij, por pronarët aktualë kanë deklaruar se e kanë pasur pikturën që nga vitet ’60.
Identiteti i pronarëve aktualë austriakë nuk është bërë publik, por ajo po shitet në emër të pasardhësve ligjorë të Adolf dhe Henriette Lieser.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj