Zvicër: Veturat janë më të mëdha

Shifrat e reja tregojnë diçka që të gjithë e kemi dyshuar gjatë viteve të fundit – makinat po bëhen më të mëdha, por hapësirat e parkimit mbeten të njëjta.

Televizioni francez zviceran ka ekzaminuar numrat më të fundit dhe tregon se modelet e reja të makinave janë zgjatur 16 cm që nga viti 2011, transmeton albinfo.ch.

Por gjerësia është një problem më i madh – makinat janë zgjeruar 6 cm në të njëjtën kohë.

Makina mesatare tani është 4 m 49 e gjatë dhe 1 m 84 e gjerë.

Johnny Perera nga parkingjet e makinave Inovil në Lozanë i tha transmetuesit se makinat më të mëdha janë një problem në parkimet e makinave që janë projektuar 50 vjet më parë. Ai thotë se zgjidhja e vetme është shkurtimi i numrit të hapësirave në dispozicion.