Lajme
Për herë të parë në histori nuk ndizet dordoleci “Böögg” i Cyrihut
Për shkak të erërave të forta në Cyrih, djegia e "Böögg" u desh të anulohet për herë të parë në historinë e festës Sechseläuten
Pika kryesore e festës tradicionale të Zyrihut “Sechseläuten” që mbahet për çdo vit në prill është djegia e një lloj dordoleci me emrin “Böögg”. Koha që duhet që koka e “Böögg”-ut të shpërthejë tregon, sipas një bestytnie, motin për verën e ardhshme, shkruan albinfo.ch. Për shkak të erërave të forta në Cyrih, djegia e “Böögg” u desh të anulohet për herë të parë në historinë e gjatë të festës Sechseläuten.
Është e vështirë të besohet se zjarri i “Böögg” duhej të anulohej për herë të parë në histori. Dhe kjo ndodhi sot, për shkak të erërave të forta. Çfarë do të ndodhë më pas është ende e paqartë, shkruajnë mediat zvicerane.
Është ky një ogur i keq për verën? Vitin e kaluar u deshën 57 minuta për të shpërthyer, koha më e gjatë e kaluar që nga fillimi i festimit të Sechseläuten. Edhe këtë vit, sërish kemi një rekord, por të një lloji tjetër: “Böögg” mbetet i paprekur.
Ndryshe, festa “Sechseläute” zgjat dy ditë dhe për nder të saj bëhen dy parakalime të mëdha: njëri, i fëmijëve, ku ata parakalojnë me veshje të ndryshme kombëtare e regjionale dhe tjetri, parakalimi i të rriturve sipas profesioneve ose “Zunft”-eve (ngjashëm me “esnafet”), shkruan albinfo.ch. Në parakalimin e parë marrin pjesë rregullisht edhe fëmijët shqiptarë me veshjet e tyre të bukura e të larmishme kombëtare.
Në qendër të kësaj feste popullore është “Böög”, një lloj dordoleci i bërë nga tekstili me dinamit brenda, i cili vendoset në majë të një shtylle dhe i vihet zjarri. Në varësi të kohës që i nevojitet deri te eksplodimi i “Böog”-ut, sipas bestytnive popullore, do të mbajë stina e verës. Kur eksplodimi zvarritet më gjatë, atëherë do të kemi verë më të freskët. Dhe e kundërta, kur shpërthimi ndodh më shpejt. Por, çfarë parashihet kur ai nuk ndodh fare, sikurse ishte rasti sot, nuk ka ndonjë shpjegim “shkencor”.
Të ngjashme
Të tjera nga Lajme
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?