Fushata për lidhjen e trenit Gjenevë-Londër merr bujë

(KEYSTONE/Christian Beutler)

Pas reagimeve pozitive të marra në lidhje me një shërbim hekurudhor midis Bazelit dhe Londrës, një propozim i ngjashëm tani është duke u zhvilluar në Zvicër për të ‘lidhur’ Gjenevën edhe me kryeqytetin e Mbretërisë së Bashkuar.

Një peticion në internet për këtë qëllim është nisur nga Nadine McCormick, një shtetase e dyfishtë zvicerane-britanike, transmeton albinfo.ch.

Ajo ka argumentuar se një lidhje e drejtpërdrejtë me dhe nga Gjeneva ka më shumë kuptim për udhëtarët britanikë sesa ajo me Bazelin.

“Aeroporti i Gjenevës ka më shumë pasagjerë që shkojnë në Londër sesa aeroportet e Bazelit dhe Cyrihut së bashku,” tha ajo.