52-vjeçari nga Kosova gjen vdekjen në vendin e tij në punës në Itali

52-vjeçari N. Morina nga Kosova ka gjetur vdekjen pasditen e së mërkurës, gjatë kohës sa ishte duke punuar në shtëpinë e të moshuarve “Orzivecchi” në Brescia.

Mediat italiane raportojnë se Morina ishte duke punuar me një vinç të vogël, kur ngarkesa që kishte në të, ra sipër tij dhe 52-vjeçari vdiq në vend.

Ai u vu re rastësisht nga një koleg i tij i punës, i cili kishte parë se ngarkesa ishte shembur për toke, transmeton albinfo.ch.

Prokuroria ka hapur një hetim për vrasje nga pakujdesia, pa asnjë të dyshuar.

1. Morina kishte gati 20 vjet që jetonte në zonë. Ai jetonte në Rudiano, me gruan dhe 4 fëmijët e tij.