Koncert i madh me moton “Skënderbeu na bashkon”

Më 13 prill, të shtunën, mbahet koncerti me nismën e shoqatës “Hora e Skënderbeut” dedikuar vendosjes së shtatores së Skënderbeut në Horën e Arbëreshëve

Këtë të shtunë, më 13 prill 2024, në Lucern të Zvicrës do të mbahet një koncert i madh në mbështetje të projektit për vendosjen e shtatores së Gjergj Kastriotit Skënderbeut në Horën e Arbëreshëve në Sicili. 

Shtatorja e Skënderbeut do të vendoset në Horën e e Arbëreshëvet në Sicili më 30 gusht 2024 dhe është një dhuratë e mërgimtarëve shqiptarë për arbëreshët, në shenjë mirënjohje për ruajtjen e kulturës, gjuhës e traditës arbërore për më shumë se pesë shekuj. 

Shtatorja madhështore e Skënderbeut është vepër artistike e skulptorit nga Prishtina, Gëzim Muriqi.  

Ky koncert po mbahet me nismën e shoqatës “Hora e Skënderbeut”, e cila njëkohësisht është edhe bartëse e nismës për vendosjen e shtatores së Skënderbeut në Horën e Arbëreshëve. Kësaj nisme i janë bashkuar 16 shoqata e ansamble nga të gjitha anët e Zvicrës. 

Do të shfaqet një program i pasur kulturor me këngë e valle si dhe ka të ftuar special të kësaj mbrëmje. 

Mjetet e grumbulluara nga biletat hyrëse dhe donacionet e tjera do të dedikohen për projektin e vendosjes së shtatores së Skënderbeut në Horën e Arbëreshëve. 

Më 13 prill 2024, nga ora 18:00, do të hapen dyert e do të jepet një koktej rasti, ndërkaq koncerti fillon në orën 19:00.  

Koncerti mbahet në këtë adresë: 

PILATUSSAAL, Stadtplatz 1 

6010 Kriens (Luzern) 

---