Veturat e përdorura në Austri, të mbifaturuara

Studimet nga Dhoma e Punës e Austrisë kanë zbuluar se makinat e përdorura të shitura në Austri janë të “mbiçmuara”, raportoi ORF. Një vështrim në çmimet e 28 shitësve të makinave të përdorura në Austrinë e Epërme zbuloi se pothuajse të gjitha makinat e përdorura janë të mbifaturuara.

Referenca për vlerën aktuale të tregut të makinave të përdorura është e ashtuquajtura lista Eurotax, transmeton albinfo.ch. Mbrojtësit e konsumatorit nga Dhoma e Punës arritën në gjithsej 28 tregtarë në Linz, Wels dhe Steyr dhe vunë në dukje çmimet e një shumëllojshmërie të gjerë makinash, shkruan thelocal.

Gjatë krahasimit të çmimeve vendore me informacionin e referencës të dhënë nga Eurotax, u konstatua se vetëm dy automjete ishin nën vlerën e Eurotax-it, por për 37 të tjerat çmimet ishin dukshëm më të larta. Një ofertë ishte 35 për qind më e lartë se çmimi i deklaruar nga Eurotax. Mesatarisht, tregtarët e makinave kërkonin 11 për qind më shumë se çmimi i referencës.