Shqiperia
Zoom News: Riviera shqiptare, si Ishujt Karaibe
E përditshmja spanjolle e cilëson Shqipërinë një destinacion turistik, përcjell albinfo.ch.
Nuk është rastësi që numri i prenotimeve në Shqipëri është rritur. Media spanjolle ‘Zoom News’ thotë se është një nga vendet me çmimet më të lira dhe ofron atraksione të ndryshme për turizëm.
Kjo e përditshme citon ekspertët e turizmit që thonë se Shqipëria është një destinacion ekonomik, pasi çmimet e akomodimit, transportit dhe ushqimit janë shumë më të përballueshme krahasuar me vendet e tjera evropiane.
Vendi, i cili ndodhet në juglindje të Gadishullit Ballkanik, ofron mrekulli natyrore. Veçon Përmetin me parqe kombëtare dhe ujëra termale.
Nuk mungojnë vendet historike, siç janë edhe zonat e shpallura Trashëgimi e UNESCO-s, si Parku Kombëtar i Butrintit, me interes të madh arkeologjik.
Sugjeron vijën bregdetare të Adriatikut dhe Jonit gjë që ka bërë që të marrë emrin ‘Karaibet Evropiane’ për ujërat kristal. Konkretisht, zona e njohur si Riviera Shqiptare ofron më shumë se 150 kilometra plazhe piktoreske që të lënë pa fjalë.
Media spanjolle rekomandon që të vizitohen Borshi, Kalaja e Porto Palermos dhe Himara, ndërsa sugjeron edhe ekskursione ditore në Vlorë, Gjirokastër dhe Sarandë.
Në këtë të fundit udhëtarët do të gjejnë Syrin e Kaltër, një nga xhevahiret kryesore të Ballkanit, që është shpallur edhe Monument Natyre.
Por, para se udhëtarët të pushojnë në plazhet e bukura të vendit, nuk duhet të lënë pa vizituar Tiranën, të cilin mund ta zbuloni gjatë një turneu që tregon vendet më emblematike të qytetit, si sheshi “Skënderbej”, Muzeu Kombëtar i Arteve të Bukura dhe Piramida.
Të tjera nga Shqiperia
E-Diaspora
-
“Më të kërkuarat janë fanellat e Zvicrës dhe ato të Shqipërisë” Pas fanellës së Zvicrës, e dyta më e kërkuar është aktualisht fanella e Shqipërisë, thotë shitësi...
-
Prokuroria kërkon 18 vjet burgim për autorin e vrasjes së Shqiponja Isufit
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Itali, shpallen në kërkim 4 shqiptarë për këto arsye
Jeta në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj Bonusi i klimës do të jepet për të gjithë personat që janë banorë të regjistruar në...
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun