Statistikat: 12 miliardë franga në vit e 40 mijë persona të lënduar

Çdo vit, 40 mijë njerëz lëndohen. Zyra e Parandalimit të Aksidenteve fokusohet në ndërgjegjësimin: “Në dobi janë individët dhe ekonomia”

Aksidentet “gjatë kohës së lirë” në Zvicër janë të nënvlerësuara, por ato prekin 40,000 njerëz në vit dhe sjellin kosto prej 12 miliardë frangash. Për të luftuar fenomenin, Zyra e Parandalimit të Aksidenteve (UPI) është e angazhuar për të rritur ndërgjegjësimin e aktorëve të përfshirë, shkruajnë mediat zvicerane, përcjell albinfo.ch.

Janë afërsisht 1000 aksidente që çdo vit në Zvicër shkaktojnë paaftësi të personave në fjalë, ndërsa 40.000 të përmendura më lart shkaktojnë lëndime të rënda te viktimat fatkeqe. Aksidentet, si ato që ndodhin gjatë shëtitjeve dhe sporteve ose gjatë drejtimit të automjeteve, përbëjnë “një sfidë të madhe për sektorin e shëndetësisë”: duke lënë mënjanë aspektin e vuajtjeve që ato shkaktojnë, miliarda humbje pësohen në nivel ekonomik, si dhe miliona të orarit të punës. Edhe pse janë dukshëm më të ulëta se ato që ndodhin në vendin e punës, aksidentet në kohën e lirë janë rritur me një të tretën në tridhjetë vjetët e fundit, edhe falë faktit se njerëzit kanë gjithnjë e më shumë kohë në dispozicion për t’iu kushtuar “vetes”.

Parandalimi i aksidenteve është gjithnjë e më i rrënjosur në shumë fusha të jetës së përditshme, por nevojiten ende përpjekje më të mëdha, siç zbulohet nga tendenca e aksidenteve. Siç thekson drejtori i UPI-së, Stefan Siegrist, nga parandalimi përfitojnë jo vetëm individët, por edhe ekonomia e vendit. Siegrist shpreson për investime në sigurinë e infrastrukturës, veçanërisht falë teknologjive të fundit dhe kërkon “përkushtim më të madh nga të gjithë aktorët e përfshirë në politikë dhe parandalim”.

 

---