Kurti: Jam thellë i shqetësuar nga raportimet se Sandulovic është paralizuar

Keystone (AP Photo/Franc Zhurda)

Sot, kryeministri i Kosovës, Albin Kurti, ka reaguar në profilin e tij zyrtar në platformën “X”, duke thënë se është i shqetësuar thellë rreth raportimeve që thonë se politikani opozitar serb, Nikola Sandulovic, është paralozuar si rezultat i rrahjes nga shërbimi sekret i Serbisë, përcjell albinfo.ch.

Kurti ka thënë se kjo ka ndodhur pas kërkimfaljes që Sandulovic ka bërë për krimet që Serbia ka bërë në Kosovë gjatë kampanjës gjenocidale.

“Thellësisht i shqetësuar për raportet që thonë se lideri i opozitës serbe, Nikola Sanduloviq, është paralizuar për shkak të rrahjeve të rënda nga shërbimi sekret serb. Kjo vjen pas kërkimit të faljes së tij për krimet e kryera nga Serbia gjatë fushatës gjenocidale në Kosovë”, ka shkruar Kurti.

“Ky brutalitet i papërshkrueshëm përfaqëson tarifën që qeveria serbe u imponon qytetarëve të saj për guximin për të pranuar të vërtetën dhe për të ndjekur pajtimin. Ai gjithashtu përbën një shkelje serioze të Konventës Evropiane për të Drejtat e Njeriut dhe një sulm të ngjashëm me Putinin ndaj atyre që refuzojnë të marrin pjesë në mohimin e gjenocidit”, ka shkruar tutje Kurti.

Deeply concerned about reports stating that the Serbian opposition leader Nikola Sandulovic has been paralyzed due to severe beatings by the Serbian secret service. This follows his apology for crimes committed by Serbia during the genocidal campaign in Kosova.

— Albin Kurti (@albinkurti) January 5, 2024