Gjermania nis ndihmat në vlerë prej 1.4 milionë eurove për palestinezët

Keystone EPA/MOHAMMED SABER

Zyra për çështjet e jashtme në Gjermani ka nisur ndihma në vlerë prej 1.4 milionë eurove për palestinezët.

Aeroplani i Forcave Ajrore të Gjermanisë tashmë është nisur drejt Kajros me 7.6 tonë ndihma mjekësore, të nevojshme për trajtimin e pacientëve të plagosur nga Rripi i Gazës, përcjell albinfo.ch.

Sipas njoftimit nga autoritetet gjermane në pako të ndihmave janë përfshirë inkubatorët dhe ventilatorët për fëmijët dhe të porsalindurit.

Ndër të tjera, bëhet e ditur se ndihmat janë dërguar me kërkesë nga qeveria egjiptiane që ka marrë në përkujdesje të plagosurit palestinezë. Një tjetër aeroplan me ndihma nga Gjermania pritet të niset edhe gjatë javës së ardhshme.