Tirana mikpret Ditën Arbëreshe dhe Samitin III të Diasporës

Bëhet e ditur se Tirana do të mikpresë më 22 dhe 23 nëntor shqiptarët nga mbarë bota në Ditën Arbëreshe dhe Samitin III të Diasporës, përcjell albinfo.ch.

Këtë e ka bërë të ditur kryeministri Edi Rama, i cili u shpreh se ky event tashmë është kthyer në traditë.

Rama u shpreh se ky do të jetë një rikthim në vendin e Shqiponjave, duke përqafuar trashëgiminë shqiptare.

“Kongresi i Arbëreshëve dhe Samiti i Diasporës do të shërbejnë si pikëtakimi për t’u dhënë vëmendjen që meritojnë shqiptarët në fushën e arsimit, shëndetësisë, biznesit, artit dhe kulturës, dhe duke e parë Diasporën si një vlerë dhe pasuri të kombit”, nënvizoi Rama. / atsh