Në spitalet e Thurgaut, më shumë pacientë

(KEYSTONE/Jean-Christophe Bott)

Numri i pranimeve në spitale në Thurgau ka arritur kulmin në vitin 2022, rritje me 4 për qind krahasuar me një vit më parë.

Kantoni po regjistron dukshëm më shumë shtrime në spital sesa në vitet para pandemisë, shkruan Blick.

Numri i pranimeve në spital tashmë ishte rritur ndjeshëm në vitin 2021, pasi procedurat jourgjente u shtynë në vitin e parë të pandemisë në 2020, njoftoi të enjten zyra e statistikave të kantonit Thurgau.

Në vitin 2022 ata arritën një kulm të qartë prej 48,200 hyrjesh, ndërsa në periudhën para Covid-19, nga viti 2016 deri në vitin 2019, pranimet në spitale në kantonin e Thurgaut ngecnin në rreth 44,000 në vit, përcjell albinfo.ch.

Numri i shtrimeve në spital u rrit më së shumti në klinikat e rehabilitimit (+5.5 për qind) dhe në spitalet akute (+5.0 për qind).

Megjithatë, në vitin 2022 ka pasur më pak pranime në spital krahasuar me një vit më parë, i cili u karakterizua nga pasojat e pandemisë, (-3 për qind).

Sipas njoftimit, rreth 6700 njerëz punonin në 12 spitalet e Thurgaut – përfshirë klinikat speciale – në fund të vitit 2022. Shifër kjo 6 për qind më shumë se një vit më parë.

Vetëm një në katër punonjës është burrë. 26 për qind e punonjësve kanë një pasaportë gjermane dhe 14 për qind të tjerë kanë një shtetësi tjetër të huaj.