Fillon shkarkimi i sasisë së dytë të ujërave radioaktive nga Fukushima në oqean

Keystone (AP Photo/Eugene Hoshiko)

Në Oqeanin Paqësor ka filluar shkarkimi i sasisë së dytë të ujërave radioaktive nga Fukushima, pasi shkarkimi i sasisë së parë përfundoi me sukses, ka njoftuar operatori “Tokyo Electric Power Company Holdings”.

Sipas njoftimit, pompat janë aktivizuar për të holluar ujin radioaktiv me sasi të mëdha të ujit të detit, duke e dërguar ngadalë përzierjen në oqean përmes një tuneli nënujor, shkruan AP.

Shkarkimet e këytre ujërave, të cilat pritet të vazhdojnë për dekada, janë kundërshtuar nga ambientalistët dhe vendet fqinje, përfshirë Korenë e Jugut, ndërsa Kina po ashtu nuk ka importuar më ushqime të detit nga Japonia, duke dëmtuar kështu rëndë prodhuesit dhe eksportuesit japonezë, përcjell albinfo.ch.

Ndryshe, gjatë shkarkimit të dytë, është planifikuar të zbrazen 7800 tonë ujë radioaktiv, përgjatë 17 ditëve.