Kurti takon kryetarët e komunave të Kosovës

FB: Albin Kurti

Ministria e Administrimit të Pushtetit Lokal ka njoftuar se kryeministri i Republikës së Kosovës, z. Albin Kurti, ministritë e linjës dhe kryetarët e komunave do të takohen të hënën.

“Takimi do të mbahet ditën e hënë, më 02.10.2023, duke filluar nga ora 10:00 tek ndërtesa e Qeverisë, Salla P-38”, thuhet në njoftim.

Ky është takimi i parë që pas zhvillimeve në veri të Kosovës, ku më 24 shtator u bë sulm terrorist ndaj Policisë së Kosovës dhe mbeti i vrarë rreshteri Afrim Bunjaku, përcjell albinfo.ch.

Takimi i Kurtit me kryetarët e komunave nisi me një minutë heshtje në nderim të Bunjakut.
Përveç Lulzim Hetemit që vazhdon të jetë i bllokuar në komunën e Leposaviqit, të gjithë ishin pjesëmarrës.
Kreu i Qeverisë së Kosovës ka premtuar më shumë investime për komunat.