17-vjeçarja shqiptare, një hap larg titullit “Miss Belgjika 2024”

Dafina Shahini, shqiptarja nga Gjilani, e cila jeton në Belgjikë, është shpallur si më e bukura e qytetit të Namur-it, duke fituar kështu kurorën e “Miss Namur 2024”...

Dafina Shahini është nga Gjilani dhe ka fituar një konkurs bukurie në Belgjikë. Ajo jeton në Belgjikë, është shpallur si më e bukura e qytetit të Namur-it, duke fituar kështu kurorën e “Miss Namur 2024”, shkruan albinfo.ch.

E reja është vetëm 17-vjeçe dhe ka fituar kështu mundësinë për t’u shpallur pse jo “Miss Belgjika 2024”.

Si Dafina, edhe kandidatet e tjera të përzgjedhura nga të gjitha krahinat e Belgjikës do të duhet të kalojnë ende një fazë përfundimtare përzgjedhëse, e cila do të zhvillohet në tetor, përpara se të dihet nëse do të jenë apo jo ndër finalistët e konkursit të bukurisë.

“Miss Belgjika 2024” do të mbahet në fillim të vitit të ardhshëm dhe pse jo të jetë vajza e bukur shqiptare, Dafina Shahini, e cila të shpallet fituese. /Albinfo.ch

---