Gjermania, kampione e botës në basketboll

Gjermania ka arritur suksesin më të madh në histori, duke siguruar titullin në Botërorin e Basketbollit.

Kapiteni Dennis Schröder dhe ekipi i tij mundën Serbinë sot në finale me rezultat 83:77, duke bërë kështu një nga surprizat më të mëdha në historinë e sportit gjerman.

Të udhëhequr nga Schröder dhe sulmuesi Franz Wagner, vendi i tretë në Kampionatin Evropian fitoi duelin e nxehtë me ish-trajnerin e kombëtares Svetislav Pesic.

“Kampionë bote!!! E pabesueshme! Çfarë skuadre!!!!!”, ka shkruar në Twitter Dirk Nowitzki, shkruan albinfo.ch.

Me suksesin në Kupën e Botës 2023, skuadra arriti diçka historike, duke tejkaluar suksesin e vitit 2002 kur përzgjedhja arriti në gjysmëfinalen e Kupës së Botës.

Weltmeister!!! Unfassbar!
🥇 Was für ein Team!!!!!

— Dirk Nowitzki (@swish41) September 10, 2023