Rrudhani në grupet e Ligës së Kampionëve do ta sfidojë Manchester Cityn

Ëndrra e secilit futbollist në botë është që një dit të luajë në Ligën e Kampionëve dhe kjo ëndërr pritet pas disa ditëve të bëhet realitet edhe për Donat Rrudhanin.

Bëhet e ditur se mesfushori kosovar ka arritur që me skuadrën e tij Young Boys Bern të futen në grupet e Ligës së Kampionëve, duke bërë realitet një ëndërr të kamotshme, përcjell albinfo.ch.

Theksohet se kampioni në fuqi i Zvicrës bën pjesë në Grupin G, së bashku me kampionin në fuqi të Evropës, Manchester Cityn, skuadrën gjermane RB Leipzig dhe autsajderin e këtij grupi ,Crvena Zvezdën.

Pjesë e verdhezinjve përveç Rrudhanit, është edhe mesfushorit nga Kosova me pasaportë zvicerane, Kastriot Imeri.

Rrudhani ka folur për emocionet që ka për të luajtur në grupet e Ligës së Kampionëve dhe përballë Manchester Cityt, shkruan telegrafi.

“Ka qenë ëndërr imja që të luaj në Ligën e Kampionëve dhe kjo ëndërr tani është bërë realitet. Mezi pres që ta dëgjoj himnin e garës më të madhe evropiane për klube dhe të zbres në fushë për të luajtur”, thotë Rrudhani.

---