‘Blick’ shkruan për shqetësimet e Xherdan Shaqirit para ndeshjes Zvicër-Kosovë

(KEYSTONE/Laurent Gillieron)

Derisa vëmendja sportive në Zvicër e Kosovë është e fokusuar në ndeshjen mes dy vendeve, gazeta zvicerane ‘Blick’ ka shkruar për Xherdan Shaqirin. Ai sipas gazetës kishte një udhëtim të gjatë për të bërë për ndeshjet që Zvicra i zhvillon në kualifikimet për Kampionatin Evropian që mbahet në Gjermani në vitin 2024, transmeton albinfo.ch.

Përveç se duhet të bënte një fluturim të gjatë me aeroplan, Shaqiri u detyrua t’i ndërronte edhe disa trena për të shkuar në hotelin ku po qëndron ekipi i Zvicrës.

Gazeta raporton se gjatë këtij rrugëtimi, Shaqiri ka pasur jo pak probleme me valixhet e tij.

Atij i kishte humbur valixhja në Frankfurt, por që raportohet se do t’i kthehet në mbrëmje, pasi është në pjesën ku grumbullohen ato.

Më 9 shtator në stadiumin ‘Fadil Vokrri’ në formacionin e zvicrës do të luajnë 4 lojtarë shqiptarë, përkatësisht Xherdan Shaqiri, Granit Xhaka, Ardon Jashari dhe Uran Bislimi.