Numri i të papunëve në Gjermani u rrit gjatë gushtit

Statistikat tregojnë se numri i të papunëve në Gjermani po rritet

Është raportuar se numri i të papunëve në Gjermani është rritur në gusht, në 2.696 milionë, përcjell albinfo.ch.

Referuar statistikave, kjo ishte 79,000 persona më shumë se në korrik dhe 148,000 më shumë se një vit më parë, njofton Agjencia Federale e Punësimit.

Theksohet se norma e papunësisë u rrit me 0.1 pikë, në 5.8 për qind.

“Pushimet verore dhe ekonomia e dobët po lënë gjurmë në tregun e punës”, tha kryetarja e Agjencisë Federale të Punësimit, Andrea Nahles. Megjithatë, ajo konsideron se gjendja në tregun gjerman të punës është ende solide.

---