Pse Zvicra nuk planifikon stërvitje në Prishtinë?

Tashmë Federata e Futbollit e Zvicrës ka publikuar programin për ndeshjen me Kosovën, përcjell albinfo.ch.

Ndeshja Kosovë – Zvicër zhvillohet më 9 shtator, nga ora 20:45, në “Fadil Vokrri”.

Përfaqësuesja zvicerane grumbullohet të hënën, më 4 shtator, në Saillon të Zvicrës.

Arsyeja pse Zvicra mund të mos zhvillojë stërvitje në Prishtinë është se deri deri të premten, më 8 shtator, stërvitjet do të zhvillohen në Zvicër.

Në ditën para ndeshjes, Zvicra stërvitet në qytetin Riddes, ndërsa udhëtimin për në Prishtinë e bën nga Sioni, pasdite. Në “Fadil Vokrri” do të mbahet vetëm konferenca për shtyp e përzgjedhësit Murat Yakin dhe e një lojtari.

Ndërkohë nuk është planifikuar ndonjë stërvitje në “Fadil Vokrri”.