Shkelësit zviceranë të rregullave të trafikut do të gjobiten në Gjermani dhe anasjelltas

(KEYSTONE/Gaetan Bally)

Zviceranët që ngasin ose parkohen gabimisht në Gjermani, shpesh ndodh që nuk gjobiten. E njëjta vlen edhe për gjermanët në Zvicër.

Por, nga viti i ardhshëm pritet që Zvicra e Gjermania do të rishikojnë ligjin aktual.

Kjo vjen edhe për shkak se në Gjermani ka pasur disa gara me vetura, ku pjesëmarrës ishin edhe zviceranët, shkruan 20minuten.

Sipas një raporti në “Südkurier”, Zyra Federale e Drejtësisë (BFJ) do të zbatojë gjobat ndërkufitare në të ardhmen.

Sipas projektligjit të qeverisë federale, nuk duhet të ketë rëndësi nëse bëhet fjalë për një vepër penale, si garat e paligjshme në rrugë apo një vepër administrative, si parkimi i paligjshëm. Edhe automobilistët gjermanë e kanë pasur të lehtë me autoritetet zvicerane. Në shumë raste ka pasur mungesë fondesh për mbledhjen e gjobave nga shoferët nga Gjermania, përcjell albinfo.ch.

“Nëse një zviceran shkel rregullat jashtë vendit, ai mund të dënohet sipas ligjeve të vendit të tij”, thotë “Südkurier”.

Për ta bërë këtë, megjithatë, autoritetet gjermane do të duhet të raportojnë shkeljen tek autoritetet zvicerane. Deri më tani, “raportimi tek autoritetet zvicerane është testuar në raste të rënda”, por përpjekja ishte shumë e madhe dhe shanset për sukses shumë të ulëta. Kontrata e re e policisë parashikohet të hyjë në fuqi më 1 janar 2024, kohë në të cilën edhe ky draft duhet të kishte kaluar në proces parlamentar, shkruan 20minuten.