Kosova
Ministrja Rozeta Hajdari thotë se nuk sheh asnjë arsye për të dhënë dorëheqje
Ministrja e Industrisë, Ndërmarrësisë dhe Tregtisë në Kosovë, Rozeta Hajdari, në konferencë për media ka folur për zhvillimet e sotme në këtë ministri, ku dy zyrtarë të kësaj ministrie dhe një biznesmen janë arrestuar nën dyshimin për kryerjen e veprave penale, “keqpërdorim i detyrës zyrtare dhe dhënie e ndihmës në kryerjen e veprës penale të keqpërdorimit të detyrës zyrtare”, përcjell albinfo.ch.
Hajdari u shpreh se nuk sheh asnjë arsye për të dhenë dorëheqje, pasi u shpreh se nuk ka as dyshim te zyrtarët e arrestuar.
“Sa i përket dorëheqjes sime, unë s’e shoh asnjë arsye për të dhënë dorëheqje dhe të them me përgjegjësi e siguri të plotë, dhe nuk shoh asnjë arsye e as thjesht dyshim te zyrtarët që janë të ndalur sot”, ka thënë ajo.
Ajo e ka akuzuar Policinë e Kosovës se në këtë ministri kërkesën për pranim-dorëzim të provave lidhur me dyshimet për dallavere në rezervat shtetërore i ka bërë kundërligjshëm.
“Policia e njësisë hetuese s’ka prezantuar ceritfikatë të sigurisë sekrete. Pra, kërkesa e Policisë për pranim-dorëzim të këtyre provave ka qenë në kundërshtim me ligjin për mbrojtjen e informacionit të klasifikuar”, tha ajo.
Ministrja ka konfirmuar se janë bërë pagesa në avanc për furnizim me mallra në rezervat shtetërore, teksa tha se në fillim të qershorit sivjet kjo ministri ka njoftuar Avokaturën Shtetërore për inicim të procedurës gjyqësore se 3% e furnizimit total me rezerva shtetërore në vitin 2022 është vonuar.
Të ngjashme
Të tjera nga Kosova
E-Diaspora
-
Kurti sërish me thirrje për qytetarët e Kosovës dhe ata në diasporë që të regjistrohen Derisa procesi i regjistrimit të popullsisë në Kosovë ka hyrë në javën e fundit, kryeministri Albin...
-
ASK: Mbi 1.4 milionë qytetarë të regjistruar, mbi 400 mijë nga diaspora
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë