165.000 euro nga thyerja e bankomatit: Shqiptari nga Kosova pranon veprën

Plaçka: 165.000 euro. Megjithatë, kartmonedhat ishin të ngjyrosura, për të pamundësuar përdorimin. Agroni mund të dënohet me disa vjet burg

Në gusht të vitit 2022, i akuzuari qe nisur me makinë nga Bremeni në Homburg. Natën ai kishte parkuar makinën e tij në një shteg pylli pranë spitalit universitar të qytetit, transmeton albinfo.ch. Pastaj ai ishte ngjitur në ndërtesën numër 11 nëpërmjet një ashensori mallrash.

Pasi ka kaluar disa dyer, ai është ngjitur në pjesën e pasme të një bankomati në ndërtesën e ish barnatores, shkruan bild.de.

Personi i cili kishte qenë i dënuar edhe më parë (Agron A.) e ka çarë atë me një mjet teknik hidraulik që përdoret nga zjarrfikësit për të shpëtuar viktimat e bllokuara në aksidente.

Plaçka: 165.000 euro. Megjithatë, kartmonedhat ishin të ngjyrosura, për të pamundësuar përdorimin e tyre (automatikisht), transmeton albinfo.ch. Ndërkaq një ballafaqim i ADN-së në vendin e krimit i vuri hetuesit në gjurmët e tij.

Gjatë kontrollit në banesën e tij në Bremen, policia kishte zbuluar mallra të vjedhura nga një tjetër vjedhje në veri të Gjermanisë, më shumë se një kilogram drogë dhe përveç pornografisë për fëmijë, një foto të mjetit të përmendur për zjarrfikje. E gjithë kjo çoi në arrestimin e tij!

Në fillim të procesit gjyqësor në gjykatën e Landit në Saarbrücken, avokati i tij mbrojtës, Christian Kessler, u ankua për gjoja punën e ngadaltë të policisë dhe zyrës së prokurorit publik dhe qortoi disa gabime procedurale që sipas tij, kanë ndodhur.

Si rezultat, prokurori publik kërkoi ndërprerjen e procedurës për sa i përket vjedhjes (së mëparshme) në veri, përcjell albinfo.ch. Agron A. ka pranuar thyerjen e bankomatit në Saarland. Procesi vazhdon.

---