Inflacioni vazhdon rënien në Zvicër

(KEYSTONE/Gaetan Bally)

Në korrik ka vazhduar rënia e inflacionit në Zvicër, kjo erdhi për shkak të rënies së tarifave për produktet e importuara.

Por, pritet që përsëri do të ketë rritje për shkak të rritjes së pritshme të qirave, shkruan RTS.

Në korrik, indeksi i çmimeve të konsumit qëndroi në 106.2 pikë, duke rënë 0.1% krahasuar me muajin e kaluar, njoftoi Zyra Federale e Statistikave (FSO) në një deklaratë për shtyp të enjten, përcjell albinfo.ch.

Gjatë një viti, inflacioni u rrit me 1.6%, pas 1.7% në qershor, 2.2% në maj dhe 2.6% në prill. Duhet të kthehemi në janar 2022 për të gjetur këtë nivel. Ndërsa çmimet e produkteve vendase u rritën me 2.3%, ato të produkteve të importuara ranë me 0.6% gjatë muajit në shqyrtim.

Ky ndryshim, si vjetor ashtu edhe mujor, është në përputhje me parashikimet e ekonomistëve të konsultuar nga agjencia AËP.

Megjithatë, në nivel grupi produktesh po shfaqen tendenca kontradiktore. Ndërsa rënia e çmimeve të produkteve të naftës (-21.7%) vazhdoi të ul çmimet – benzina dhe vaji i ngrohjes ulen përkatësisht me 19.9% dhe 29.8% nga viti në vit – grupi ushqimor (+5.3%) dhe grupi i banesave-energjisë (+ 2.7%) u rrit, shkruan RTS.

Produktet e freskëta sezonale panë rritje të çmimeve të tyre me 4.3%. Indeksi zviceran i ofertës së pasurive të paluajtshme, i publikuar të enjten nga SMG Swiss Marketplace Group dhe firma e konsulencës së pasurive të paluajtshme Cifi, nga ana e saj vuri në dukje një rritje të qirave në korrik, po aq në një krahasim mujor (+0,7%) sa vjetor ( +3.8%), përcjell albinfo.ch.