Zvicër: Primet e sigurimit shëndetësor do të rriten përsëri

(KEYSTONE/Christian Beutler)

Pasi primet u hodhën mesatarisht me 6.6 për qind në vitin 2023 – rritja më e mprehtë në dy dekada – ato pritet të rriten edhe më shumë vitin e ardhshëm, përcjell albinfo.ch.

Në fakt, ato do të jenë dukshëm më të shtrenjta në vitin 2024: shifrat e fundit për janar dhe shkurt tregojnë një rritje prej 7.5 të kostove për të siguruar, kryesisht për shkak të rritjes së çmimeve të barnave.

Megjithëse periudha e vlerësuar është e shkurtër, Verena Nold, kreu i Santésuisse, grupi ombrellë për kompanitë e sigurimeve shëndetësore, paralajmëroi se nëse qeveria nuk bën asgjë për kostot, “sistemi ynë shëndetësor do të shkojë drejt e në mur”.