Zvicra ka transportin publik më të shtrenjtë në botë

Keystone

Një studim i ri zbuloi se megjithëse sistemi zviceran i transportit është ndër më të mirët në botë, ai gjithashtu kushton më shumë në mesin e 99 vendeve të analizuara, përcjell albinfo.ch.

Për shembull, një udhëtim i vetëm me autobus ose tramvaj kushton mesatarisht 3,55 franga.

Kjo është pak më shumë se mbajtësi i vendit të dytë, Holanda, ku çmimi i krahasueshëm është ekuivalenti i 3.25 frangave.

Australia vjen e treta me 2.60 për një udhëtim të vetëm.

Katër nga 10 qytetet më të shtrenjta në botë për biletat e transportit publik janë gjithashtu në Zvicër: Cyrihu, ku një biletë njëpërdorimëshe e cila kushton mesatarisht 4,35 franga; Lozana (3,65 franga); Berna 3,60 franga. dhe në Bazel 3,55 franga.

Pjesa tjetër e 10 qyteteve më të mira janë në Holandë, Angli dhe Islandë.