Maqedonia

Maqedonia e Veriut lehtëson lëvizjen ndërkufitare me Kosovën

E martë, 4 Korrik 2023 - 21:20 albinfo.ch

Keystone EPA/GEORGI LICOVSKI

Qeveria e Maqedonisë së Veriut ka marrë vendim ta lehtësojë lëvizjen ndërkufitare me Republikën e Kosovës.

Për këtë vendim ka njoftuar në Facebook zëvendëskryeministri i Maqedonisë së Veriut, Artan Grubi, raporton Albinfo.ch.

Ai ka thënë se vendkalimet e përbashkëta kufitare së shpejti do të bëhen realitet.

“Në seancën e sotme të Qeverisë shqyrtuam dhe miratuam Raportin për negociatat e realizuara dhe tekstin e përshtatur të Kontratës me Qeverinë e Republikës së Kosovës për pikat e përbashkëta kufitare Bllacë – Han i Elezit dhe Jazhincë – Glloboçicë”, ka shkruar Grubi.

Ai ka theksuar se kanë angazhuar Ministrinë e Punëve të Brendshme t’i qaset nënshkrimit të kësaj marrëveshjeje të rëndësishme./Albinfo.ch