Cilat ishin reagimet e deputetëve zviceranë ndaj fjalimit të Zelensky-t

Ndërsa deputetët nga Partia Popullore Zvicerane (SVP) e krahut të djathtë bojkotuan fjalimin që presidenti ukrainas, Volodymyr Zelensky, mbajti, me video, në Parlamentin zviceran të enjten, shumica e deputetëve reaguan pozitivisht ndaj mesazhit të tij, përcjell albinfo.ch.

“Ishte shumë e fortë dhe prekëse”, tha deputetja Céline Vara për mediat zvicerane pas videokonferencës.

Për deputetin Damien Cottier, “ishte e rëndësishme ta dëgjoje, sepse ai foli për paqen, që është ADN-ja e Zvicrës”.

Një deputet tjetër, Roger Nordmann, i bëri përshtypje që Zelensky “e kupton Zvicrën… Ai foli për organizimin e një samiti paqeje. Bëmë mirë që e dëgjuam atë”.