Të dhënat celulare janë mbi 30 herë më të shtrenjta në Zvicër sesa në Francë

Çmimi për gigabajt të dhënash në Zvicër kushton 7.25 franga — shumë më tepër se 2.63 në Gjermani, 0.03 në Austri dhe 0.23 në Francë.

Ndoshta nuk është befasi për askënd që shumica e gjërave kushtojnë më shumë në Zvicër se kudo në Evropë, përcjell albinfo.ch.

Ndonjëherë ndryshimi është i madh, siç është rasti me të dhënat celulare.

Siç tregon një sondazh i ri i publikuar nga faqja e konsumatorëve HelloSafe, çmimi për gigabajt të dhënash në Zvicër kushton 7.25 franga — shumë më tepër se 2.63 në Gjermani, 0.03 në Austri dhe 0.23 në Francë.

Arsyeja për këtë pabarazi të konsiderueshme të çmimeve, sipas Hellosafe, është se megjithëse ka disa ofrues të shërbimeve celulare në Zvicër, më i madhi, Swisscom, ka një “kuazi-monopoli” në treg, “duke lënë më pak mundësi për lojtarët më të vegjël”.

Ndërsa kostot zvicerane për të dhënat celulare janë më të lartat në Evropë, në krahasim në mbarë botën, Zvicra bie në vendin e shtatë, pas Jemenit, Botsvanës, Turkmenistanit, Togos, Seychelles dhe Koresë së Jugut.

 

 

 

 

 

 

 

 

---