Maqedoni: Pagat e ulëta, papunësia e korrupsioni u prijnë problemeve të qytetarëve

EPA/VALDRIN XHEMAJ

Sipas një ankete të realizuar në Maqedoninë e Veriut, standardi i jetesës, pagat dhe pensionet e ulëta, krimi dhe korrupsioni, si dhe rritja e çmimeve dhe inflacionit, janë tre problemet e para më të mëdha me të cilat përballen qytetarët.

Në pyetjen se cili është problemi i parë më i rëndësishëm me të cilin përballet vendi, 27.2 për qind janë shprehur se është standardi i jetesës, pagat dhe pensionet e ulëta, për 22.9 për qind është krimi dhe korrupsioni dhe për 13.3 për qind është rritja e çmimeve dhe e inflacionit.

Listës së problemeve më të mëdha i shtohen papunësia (8.4 për qind), integrimi në BE, çështja e hapur me Bullgarinë (6.7 për qind), sundimi i ligjit dhe demokracia (5.9 për qind), emigracioni (5.4 për qind), gjyqësori (4.6 për qind), shëndetësia (dy për qind), përcjell albinfo.ch.

58,2 për qind të të anketuarve që janë pyetur se cilat janë problemet më të rëndësishme, përgjigja është standardi i jetesës, pagat dhe pensionet e ulëta, të ndjekur nga krimi dhe korrupsioni (48,8 për qind), rritja e çmimeve dhe inflacioni (48 për qind), emigracioni ( 25.3 përqind), papunësia (23.5 përqind).