A duhet të paguash për ilaçet me recetë në Zvicër?

Në përgjithësi, medikamentet e përshkruara nga një mjek mbulohen nga sigurimi i kujdesit shëndetësor. Por kjo nuk do të thotë që ju nuk do të duhet të paguani fare.

Në Zvicër ekzistojnë dy lloje ilaçesh: ato që i blini pa recetë dhe ato që janë vetëm me urdhër të mjekut.

Si rregull i përgjithshëm, sigurimi i detyrueshëm shëndetësor (KVG në gjermanisht dhe LaMal në frëngjisht dhe italisht) rimburson barnat e përshkruara nga mjeku, për sa kohë që ato përfshihen në listën e barnave të miratuara zyrtarisht nga organi rregullator i Zvicrës, Sëissmedic – në total, rreth 2500 medikamente, shkruan The Local.

Lista është mjaft e gjerë, duke përfshirë jo vetëm medikamente të markës dhe gjenerike, por edhe shumë biosimilarë, ilaçe që janë pothuajse një kopje identike e një produkti origjinal të prodhuar nga një kompani tjetër.

Gjithashtu përfshihen disa barna të mjekësisë alternative, duke përfshirë homeopatinë dhe fizioterapinë.

Çfarë ndodh kur mjeku përshkruan një ilaç që nuk është i autorizuar në Zvicër?

Në parim, sigurimi i detyrueshëm shëndetësor nuk do t’i mbulojë shpenzimet dhe ju duhet ta paguani vetë.

Megjithatë, ka përjashtime nga ky rregull.

Nëse një mjekim i caktuar nuk është miratuar në Zvicër, por importohet nga një vend ku është i autorizuar nga një organ që konsiderohet ekuivalent me Sëissmedic (për shembull, Agjencia Evropiane e Barnave), atëherë KVG / LaMal do të paguajë për atë, përcjell albinfo.ch.

Gjithashtu, nëse kostoja e një ilaçi nuk mbulohet nga sigurimi i detyrueshëm shëndetësor dhe ju keni lidhur një policë plotësuese, ka mundësi që ky i fundit të paguajë për të.

Këta ofrues sigurimesh kanë listat e tyre të barnave që mbulojnë, megjithëse mund të zbatohen disa kushte dhe kufizime.

As sigurimi bazë dhe as suplementar nuk do të paguajë për të ashtuquajturat Farmaceutikë për Aplikim Special (LPPA). Kjo listë përfshin kryesisht produkte “rehati”, për shembull frenuesit e oreksit ose produkte që reduktojnë rënien e flokëve.

Sa nga kostoja paguan sigurimi?

Siç është rasti për trajtimet mjekësore në përgjithësi, KVG/LaMal do të paguajë 90 për qind të kostos së barnave për të cilat nuk ekzistojnë gjenerikë.

Sidoqoftë, nëse disponohet një ilaç gjenerik ekuivalent, por ju ende zgjidhni ilaçin e markës, atëherë kompania juaj e sigurimit do të mbulojë 80 për qind të çmimit. Kjo do të thotë që ju do të duhet të paguani vetë 10 ose 20% të kostos, shkruan The Local.

Kjo do të ndodhë derisa të përdorni të gjithë zbritjen tonë (franshizën), përveç pjesës suaj prej

---