Lajme

Vdesin tre alpinistë holandezë në Alpet e Zvicrës

E hënë, 22 Maj 2023 - 21:00 albinfo.ch
Keystone

Tre alpinistë holandezë kanë vdekur, pasi dyshohet se u goditen nga orteku. Ata u gjetën të dielën nën akullnajën Jegi, në kantonin e Valaisit.

Në njoftimin e policisë bëhet e ditur se viktimat janë dy holandezë të moshës 32 dhe 40-vjeçare, si dhe një holandeze e moshës 30-vjeçare, të cilët jetonin në kantonin e Bernës.

Alpinistët ishin zhdukur që nga e premtja, ndërsa siç raporton Agjencia Federale e Lajmeve SDA, policia e Bernës nisi kërkimet të shtunën, transmeton Albinfo.ch.

Sipas policisë, dy burra dhe një grua kishin shkuar në vendin e quajtur në Schmadrihütte mbi Stechelberg.

Të nesërmen ata synuan të ngjiteshin në Grosshorn./Albinfo.ch

 Të tjera nga Lajme

Besimi tek bankat zvicerane bie, kritikat për fitimtarinë dhe qëndrueshmërinë rriten

 E-Diaspora

 Jeta në Austri