Kush po kërcënon Gjermaninë?

Flet kryespiuni gjerman

Po vazhdon të rritet ekstremizmi antiqeveritar i nxitur nga shtete autoritare si Rusia, që kërkojnë të ndajnë shoqërinë dhe të rrëzojnë qeverinë. Për këtë ka paralajmëruar të hënën kreu i agjencisë gjermane të Inteligjencës, Thomas Haldenwang.

Sipas tij, agjencitë gjermane të sigurisë kanë prishur disa komplote gjatë viteve të fundit nga grupe të vogla të lidhura me lëvizjet e akuzuara për planifikimin e sulmeve në infrastrukturën kritike, në zyrtarë qeveritarë dhe madje edhe në Parlamentin kombëtar.

Megjithëse mbetet e paqartë se në cilën fazë janë planet, autoritetet janë të shqetësuara se komplotistët e dyshuar kanë marrë armë dhe kanë përfshirë njerëz të tillë si gjyqtarë dhe oficerë policie, të cilët zakonisht nuk janë në radarët e shërbimeve të sigurisë.

“Ajo që i bashkon të gjitha këto grupe është se ata e përçmojnë vendin tonë dhe demokracinë tonë, ata e refuzojnë atë dhe duan ta shfuqizojnë atë”, tha Haldenwang për AP, përcjell Albinfo.ch.

Ai tha se ekstremistët antiqeveritarë me vetëdije nxisin frikë në shoqëri dhe rekrutojnë aktivisht ndjekës të rinj.

Sipas tij, tendenca të tilla inkurajohen në mënyrë aktive nga vende si Rusia, e cila ka interes të destabilizojë demokracinë në ekonominë më të madhe evropiane.

“Kur e kuptojnë se në vend ka ndjenja që mund të çojnë në ndarje, atëherë inkurajojnë ndjenja të tilla. Ne shohim se ata po marrin një sërë masash në këtë drejtim”, tha Haldenwang./Albinfo.ch

---