Shtetasi maqedonas, shantazh zviceranit: 100.000 franga për t’u liruar nga kërcënimet

Maqedonasi pësoi keq, tani dënohet me gjashtë muaj burgim ose mbi 10 mijë euro

Mediat zvicerane raportojnë se një shtetas nga Maqedonia e Veriut ka dashur të zhvasë një shumë të madhe nga një burrë nga Kantoni St. Gallen. Ai ka informuar organet e rendit, të cilat më pas kanë mundur të kërkojnë llogari nga shantazhuesi, përcjell albinfo.ch.

Referuar ngjarjes, më 2018, shantazhuesi kontaktoi me burrin nga Zvicra përmes telefonit dhe mesengjerit. Ai ka dashur të dijë nëse ai ka kryer marrëdhënie me një grua të caktuar. Sipas tij, ajo kinse ka qenë e fejuara e tij dhe nga zvicerani kërkonte 100 000 franga. Ai i ishte përgjigjur se nuk kishte aq të holla, shkruan 20 minute.

Lidhur me këtë ngjarje, policia zvicerane kishte nisur hetimin e ngjarjes dhe vëzhgoi transferimin e parave.

Tutje thuhet se më në fund ata ranë dakord për 50 000 franga, ndërsa 10 000 frangat e para është dashur të paguhen të nesërmen. Burri nga St. Galleni u tmerrua nga kërcënimet dhe shkoi në polici, shkruan “20 Minuten”.

Një person ka ndërhyrë në transferimin e parave dhe ka arrestuar një ndërmjetësues nga Maqedonia e Veriut.

Shtetasi i Maqedonisë së Veriut më pas u lajmërua përsëri te burri nga St. Galleni dhe e kërcënoi atë dhe anëtarët e tij të familjes me jetë. Policia në këtë rast nuk do të ndihmonte, pasi ai do të zbatonte mënyra të tjera.

Vite më vonë, shantazhuesi arrestohet

Për një kohë u kthye qetësia. Nga fillimi i muajit, shantazhuesi ka hyrë pa vizë në Zvicër. Gjatë një kontrolli në Kantonin Thurgau, burri u kap pasi kishte hyrë ilegalisht në vend dhe u mbajt në paraburgim për tre ditë. Më pas u shpall verdikti ndaj tij: 37-vjeçari dënohet me gjobë pa kushte për tentativë zhvatjeje dhe hyrje pa leje dhe qëndrim të paligjshëm në Zvicër. Ai duhet të paguajë një gjobë prej 5 310 frangash. Këtu i shtohen tarifa dhe shpenzime mbi 5000 franga. Në fund të fundit, Gjithsej, shtetasi nga Maqedonia e Veriut duhet të paguaj10 656,25 franga në arkën e shtetit. Nëse nuk e bën këtë, duhet të shkojë në burg për gati gjashtë muaj si zëvendësim.

Urdhërndëshkimi nuk është ende i plotfuqishëm.

 

---