Iniciativë për fuqizimin e votës për të shkarkuar qeverinë zvicerane

Grupi "Lëvizja Zvicerane për Liri" po përpiqet të mbledhë nënshkrimet e nevojshme për propozimin për të detyruar një votim mbarëkombëtar për këtë çështje.

Votuesit zviceranë duhet të autorizohen për të shkarkuar ministrat jopopullorë të qeverisë për t’i mbajtur ata më të përgjegjshëm për performancën e tyre, thuhet në një nismë popullore e saponisur.

Grupi “Lëvizja Zvicerane për Liri” po përpiqet të mbledhë nënshkrimet e nevojshme për propozimin për të detyruar një votim mbarëkombëtar për këtë çështje, raporton swi, përcjell Albinfo.ch.

Nisma kërkon që natyralizimi të jetë i mundur pas pesë vjetësh qëndrimi të ligjshëm, pavarësisht nga leja e përhershme e qëndrimit.

Qeveria me shtatë anëtarë të Zvicrës, ose Këshilli Federal, zgjidhet nga Parlamenti një herë në katër vjet pas zgjedhjeve të përgjithshme.

Më pas, ministrat duhet t’i nënshtrohen një votëbesimi publik çdo dy vjet, deklaroi presidenti i Lëvizjes Zvicerane për Liri, Richard Koller, në një konferencë për media.

“Nëse njerëzit janë të pakënaqur, ata duhet të jenë në gjendje të shkarkojnë krerët e ministrive. Populli është shefi”, tha ai të martën.

Performanca e ministrave të qeverisë ka qenë subjekt i një shqyrtimi më të ngushtë dhe shpesh më kritik, veçanërisht që nga pandemia Covid-19.

Nisma aktuale synon të distancohet nga një propozim i Partisë Popullore më 2013 që votuesit të zgjidhnin drejtpërdrejt ministrat e qeverisë. Kjo nismë u refuzua nga një shumicë e madhe.

Zgjedhja e anëtarëve të Këshillit Federal duhet t’i lihet ende Parlamentit, i cili ka njohuri më të thella për kandidatët, tha Koller.

Nisma e fundit ka afat deri në nëntor të vitit të ardhshëm për të mbledhur 100 mijë nënshkrimet e nevojshme për ta fuqizuar votën./Albinfo.ch

---