Parashikimi i Covid-it gjatë verës në Zvicër

A do ta ketë Zvicra një verë pa raste Covid

Analiza tregon një rënie të konsiderueshme të infeksioneve me koronavirus në Zvicër, gjë që i bën ekspertët e shëndetësisë të supozojnë se “ngarkesa virale” është shumë më e ulët se vitin e kaluar në këtë kohë, sipas Huldrych Günthard, shef i Klinikës për Sëmundjet Infektive në Spitalin Universitar të Cyrihut, përcjell albinfo.ch.

Kjo do të thotë se Zvicra do të ketë një verë relativisht pa Covid, veçanërisht pasi njerëzit do të kalojnë më pak kohë në ambiente të mbyllura.

“Ndoshta do të duhet pak kohë përpara se infeksionet të rriten përsëri”, tha Günthard në një intervistë të hënën.

“Nëse, sigurisht, nuk vjen një variant i ri”.

Tani për tani, Omicron është ende virusi mbizotërues dhe nuk ka qenë aq i rëndë sa paraardhësit e tij, Alpha dhe Delta.

---