Nga trazirat e 1 majit në Cyrih një protestues humbi syrin

(KEYSTONE/Alexandra Wey)

Protestat e 1 Majit në Cyrih nuk ishin paqësore, ka pasur përleshje të dhunshme mes policisë dhe demonstruesve. Ndërkohë që në drejtim të efektivëve po hidheshin sende, policia u përpoq të vinte nën kontroll situatën me topa uji dhe plumba gome, përcjellë albinfo.ch.

Mesa duket një burrë është goditur në fytyrë dhe është plagosur aq rëndë sa thuhet se ka humbur edhe syrin. Këtë e bën të ditur “Tages-Anzeiger” duke iu referuar skenës. Në të njëjtën kohë, grupi “Revolucionary Construction Sëitzerland” njoftoi në një deklaratë të premten se një shoku i ri “kishte humbur një sy”, shkruan Blick.

Me kërkesë të “Tages-Anzeiger”, prokuroria publike ka konfirmuar se aktualisht janë duke u zhvilluar hetimet për lëndimin e rëndë në fytyrë. Policia kantonale po kryen hetimet. Të gjitha agjencitë nuk duan të komentojnë hetimin. Edhe një person tjetër ka mbetur i plagosur më 1 maj. Sipas raportit, kjo ka ndodhur kur është ngjitur mbi një gardh, përcjellë albinfo.ch.

Policia e qytetit të Cyrihut ishte në vend më 1 maj me një kontigjent të madh. Në fund u arrestuan 19 persona dhe mbi 400 u dëbuan. Sipas policisë së qytetit, të arrestuarit përkohësisht ishin shtatë gra dhe dymbëdhjetë burra. Më i riu është 16 vjeç.