Kosova përmbylli suksesshëm promovimin e librave në Panairin e Leipzigut

Ag Apolloni u nderua me çmimin “Special Mention” nga European Union Prize for Literature

 

Biblioteka Kombëtare e Kosovës, e përkrahur nga MKRS dhe MPJ, nëpërmjet botimeve më të reja të botuesve të Kosovës, 3 ditë radhazi përfaqësoi Kosovën në Panairin e Leipzigut në Gjermani, përcjell albinfo.ch.

Kosova u prezantua nëpërmjet veprave letrare dhe joletrare, deri te romani grafik – veprave në gjuhën shqipe dhe veprave të përkthyera në gjuhë të huaj, të autorëve: Ag Apolloni, Shpëtim Selmani, Zuzana Finger, Janet Reineck, Elizabeth Gowing & Robert Wilton dhe Gani Jakupi.

Ag Apolloni me romanin “Kësulëkuqja – përrallë për të rritur” u nderua me çmimin “Special Mention” nga European Union Prize for Literature. Çmimi i Bashkimit Evropian për Letërsi, i mbështetur nga programi Creative Europe i Bashkimit Evropian, është një iniciativë për të njohur shkrimtarët më të mirë të letërsisë në zhvillim në Evropë.

 

 

 

---