Pse vlerësohen kaq shumë universitetet zvicerane?

Mikael Kristenson @mikael_k

Vit pas viti, instituti politeknik federal i Cyrihut (ETH) renditet në krye të vlerësimeve, sipas sondazheve të ndryshme ndërkombëtare. Shkolla e saj simotra në Lozanë (EPFL) gjithashtu merr rezultate të larta, përcjell albinfo.ch.

Nuk ka dyshim se të dy universitetet zvicerane kanë një reputacion të shkëlqyer, por tani ka pyetje se sa të besueshme janë në të vërtetë këto renditje.

Sipas Matthieu Gillabert, profesor në Universitetin e Friburgut, vlerësimet nuk përqendrohen në cilësinë e arsimit, por, përkundrazi, ato bazohen kryesisht në citimet e punimeve shkencore që prodhohen në universitete, numrin e çmimeve Nobel, dhe kapacitetin e një universiteti për të kapur fondet private”.

“Këto renditje shpesh shërbejnë për të riprodhuar hierarki që ekzistojnë tashmë midis universiteteve dhe që nxjerrin në pah institucionet anglo-saksone: Kembrixhin, Oksfordin ose Ivy League në Shtetet e Bashkuara”, shtoi ai.