Pamje të frikshme brenda një avioni që u përfshi nga turbulencat

Pamje të frikshme janë bërë virale në rrjetet sociale të kapura brenda një avioni nga Angola në Portugali. Avioni është përfshirë nga turbulencat e forta dhe për pasojë 10 pasagjerë kanë mbetur të lënduar.

Në pamjet e bëra virale, te cilat janë publikuar nga një pasagjere e avionit, tregohen momentet e frikës që përfshijnë pasagjerët e avionit, ndërsa shumë objekte shpërndahen gjithandej në avion, transmeton cnn, përcjell albinfo.ch.

Menjëherë sapo avioni u ul në Lisbonë, pranë tij mbërriti një ambulancë, e cila transportoi në spital 8 nga pasagjerët e lënduar. Për fat të mirë, në bordin e avionit ishte edhe një mjek, i cili u dha ndihmën e parë personave të plagosur.