Kthimi nga jugu: Kolona përpara Tunelit Gotthard, 10 kilometra e gjatë

Ndërsa bllokimi i trafikut në fillim të festës drejt jugut kishte arritur një gjatësi deri në 19 kilometra në Uri të Premten e Madhe

Vala e kthimit nga jugu, pas pushimit të Pashkëve është rritur dukshëm pasditen e sotme, transmeton albinfo.ch. Makinat kanë qëndruar në rresht përpara portalit jugor të tunelit rrugor Gotthard në një gjatësi prej dhjetë kilometrash.

Kjo nënkuptonte një humbje kohe prej një ore e dyzet minutash.

Gjithashtu në anën veriore, në kantonin Uri, midis lokaliteteve Wassen dhe Göschenen kishte një kolonë pritjeje prej dy kilometrash sot pasdite, sipas shërbimit të trafikut Viasuisse, shkruan sda.ch. Nisur nga kjo, koha e pritjes mund të ndodhë përsëri në ditët në vijim.

Në disa kantone zvicerane dhe në disa shtete federale gjermane, pushimi i pranverës ka filluar në fundjavën e Pashkëve të këtij viti, transmeton albinfo.ch. Bllokimi i trafikut në fillim të festës drejt jugut kishte arritur një gjatësi deri në 19 kilometra në Uri të Premten e Madhe.

Kohët e pritjes ndonjëherë ishin më shumë se tri orë.

---